شروط وقوانين جوجل بلاي للمطورين حاجات لازم تخلي بالك منها وانت بترفع تطبيقك | عمرو حسام

شروط وقوانين جوجل بلاي للمطورين حاجات لازم تخلي بالك منها وانت بترفع تطبيقك


كتير من الناس المبتدئين في المجال اتعرضت اكونتاتهم علي جوجل بلاي ديفيلبور بالحظر ! ، وده بسبب تشديد جوجل بلاي علي سياستهم الخاصه ، في البوست ده هقول علي التطبيقات المخالفه والشروط المهمه اللي لازم تخلي بالك منها عشان ميتعرضش حسابك علي جوجل بلاي ديفيلبور للحظر ، مش بس كده لو اكونتك اتعرض للحظرادموب كمان هتتقفل . 

1 : اول حاجه هتكلم عنها وهي تطبيقات التحميل من اليوتيوب مثلا او تحميل من متصفح ! 

2: تطبيقات مشاهده القنوات الفضائية زي القنوات الرياضيه المشفره او مسلسلات او افلام ملكش حق انك تعرضها 

3: ابتعد عن انك تقلد اسم تطبيق وحصلت معايا لما كنت عامل برنامج باسم InstaPic Expander انستجرام نفسها رفعت قضيه لجوجل بلاي بس العبد الله رجع التطبيق تاني باسم تاني اكيد يعني :"D 

4: بلاش تخلي ايقونه تطبيقك شبيه بايقونه تطبيق تانيه فا ده تعدي علي الحقوق بشكل واضح جدا 

5: بلاش تعيد برمجه تطبيق تاني في المتجر زي الناس اللي بتعمل "ديكومبيلر" وبلاش ترفع اي بروجكيت اوبن سورس ، بعض البروجيكتات دي بتبق للنظر بس وبعضها مش بيتقبلوا انهم يترفعوا علي جوجل بلاي لذلك خلي بالك 

6: بلاش تقلد فكره تطبيق موجوده في المتجر ، لان من حق صاحب الفكره انه يبلغ عنها حتي لو غيرت التصميم 

7: البرامج الموجود فيها فيديوهات من Bein او اتحاد الفيفا عموما بلاش ترفعها 

8: تطبيقات حجب الاعلانات ، بالتاكيد مرفوضه لانها بتسبب خساره لاصحاب البرامج 

9: بلاش تكتب وصف مختلف عن التطبيق فاده هينتهي بالحظر بحسابك 

10 :تطبيقات عمل الروت كلها ممنوعه وجوجل بلاي بتشدد علي الموضوع ده جدا ! 

بالنسبه لبعض شروط جوجل بلاي : 

1: بلاقي ناس كتير بتعمل تطبيقات ويب فيو لمواقع ماا الحوار ده مخالف جدا خصوصا لو الموقع ده مش ملكك لان نص من شروط جوجل بلاي بيقولك " لا تنشر تطبيقًا إذا كانت الوظيفة الأساسية هي توجيه حركة المرور إلى موقع ويب" 

2: في مواقع بتخليك تعمل تطبيقات جاهزه وتنشرها انت بس بتغير العنوان واسم التطبيق وده مخالف جدا ، ولما تطبيقك يتشهر جوجل بلاي ممكن تحظر تطبيقك ! 

3: في خدمات زي انك تزود تقييمات تطبيقك او عدد التحميلات كل ده مخالف جدا بلاش تلعب في الحاجات دي 

4 : طبعا الجزء الاخير والكل عارفه وهي التطبيقات اللي بتكون فيها محتوي ايباحي او بيحرض علي حاجه 

بس كده انا حبيت انشر حاجات حصلت معايا ومع ناس غيري واللي عنده حاجه يقدر يضيفها في الكومنتات <3

Amr Hossam

ليست هناك تعليقات:

إرسال تعليق