أزاي تزود تحميلات تطبيقك او لعبتك علي Google Play ؟ | عمرو حسام

أزاي تزود تحميلات تطبيقك او لعبتك علي Google Play ؟



أزاي تزود تحميلات تطبيقك او لعبتك علي Google Play ؟ 

البوست ده انا عامله وفيه كام نصيحه ، عشان تزود تحميلات وتقييمات تطبيقك فا ياريت تشوفوه كلوا وتشيره مع صحابك <3 

هقسم البوست لاكتر من حاجه . 

اولا : وصف واضح ودقيق جدا للتطبيق : 

قبل ما تدوس علي زرار Publish علي البلاي ستور ، اتاكد انك كاتب وصف واضح جدا للتطبيق وتذكر المميزات ، وبيعمل ايه ، ده هيساعد جدا المستخدمين انه يعرف تطبيقك بيعمل ايه وهيزود من ترتيب تطبيقك في المتجر . 

ثانيا اللغه : 

انك تحدد لغه تطبيقك دي من الاوليات اللي لازم تحددها في مرحله التطوير ، وعلي حسب الفئة اللتي هتستهدف بيها المستخدمين ، فا مثلا لو انت مش بتستهدف العرب ، فا لازم انك توفر لغه الانجليزي مثلا لانها لغه منتشره جدا في العالم ، وياريت تخلي تطبيقك باللغتين العربي - الانجليزي ، وكذلك الوصف وصف التطبيق Google Play بتيح ليك انك تضيف اكثر من لغه في وصف التطبيق يعني انا مثلا لو جهازي لغته انجليزي فا هيظهر الوصف بالانجليزي والعكس صحيح ، وتقدر تستعين بحد مترجم عشان الوصف مهم جدا ، لانك لو مضيفتش اللغه فا هيتم ترجمه الوصف بترجمه جوجل ودي مش محتاجه كلام اصلا :"D 

ثالثا الكلمات المفتاحيه : 

من الحاجات اللي بتزود تحميلات تطبيقك ، او الترتيب بتاعه علي جوجل بلاي ، او البحث في اي محرك بحث ، هي الكلمات المفتاحيه ، لازم تزود الوصف بكلمات مفتاحيه الحوار ده مهم جدا ، طب ازاي اجيب الكلمات المفتاحيه الخاصه بتطبيقي مثلا ؟ 

لو انت تطبيقك مختص مثلا بانه يعرض وصفات طبخ ، احد اشهر المواقع اللي بيجبلك كلمات مفتاحيه هو : https://adwords.google.co.uk/KeywordPlanner 

تخش عليه وتعمل Sign in بايميلك ، وتبحث عن الكلمه اللي انت عايزها مثلا زي " وصفات طبخ " هيجبلك كل الكلمات المفتاحيه ليها ، وبردوا خد الكلمات المقترحه من محرك البحث . 

رابعا صلاحيات التطبيق او البريميشن : 

اكتر حاجه بتضايق المستخدمين وهو بينزل التطبيق ، لو مثلا تطبيقك محتاج يعمل spare لملف فانت كمطور بتظبط تطبيقك انه ياخد البريميشن او الصلاحيه دي عشان يعمل مهمه معينه ، حاول تقلل من الوظايف اللي انت مش محتاجها من التطبيق واعمل زي " discourse " كده في تطبيقك وتفهم المستخدم انك محتاج الصلاحيه دي او البريمشين ده ليه . 

خامسا فيديو ترويجي : 

جوجل بلاي بيتيح ليك انك تضيف فيديو لعرض التطبيق ، مهم اوي انك تعمل فيديو للتطبيق الخاص بيك ، لعرض مميزاته او مهامه وشرح بسيط كده ليه ، وحاول تخليه في دقيقه او دقيقتين عشان يفهم المستخدم ، ومتنساش انك تعمل ترجمه لفيديوهاتك عشان اللغه زي ما اتكلمنا فوق ، وبردوا ممكن تستخدم الفيديو ده في ترويج للتطبيق بتاعك في السوشيال ميديا او الحملات الاعلانيه . 

سادسا تجربه المستخدم وتصميم التطبيق ( Ux/Ui ) : 

مهم جدا انك تحضر ايقونه وغلاف عالي الدقه لتطبيقك واكيد صور تانيه الازمه لتسويق تطبيقك ، الكتير من المبرمجين بيستهتروا انهم يحطوا غلاف كويس مع ان ده بيلفت المستخدمين وبيعكس مدي حرافيه التطبيق 

والاهم منه بق انك تهتم بتصميم تطبيقك ، وهي تصميم التطبيق ( Ui ) وانك تهتم بتجربه مستخدم فريده وكويسه ، حاول تخلي تطبيقك بسيط قدر الامكان بحيث متخليش المتسخدم يفكر ازاي انه يستخدم تطبيقك او ازاي يتحكم فيه . 

سابعا توفير سكرين شوت وانت بتستخدم التطبيق : 

حاجه مهمه جدا انك تعمل فيديو او ترفع سكرين شوت ، وانت بتستخدم التطبيق بتوفر كتير علي المستخدم وبتديله ثقه انه يحمل التطبيق بتاعك لانه حاجه هو شافها بعينه ، 

ثامنا عروض التطبيق : 

لو التطبيق بتاعك مدفوع ، اكتر حاجه بتزود من تحميلات التطبيق انك تعمل Sale وعروض في التطبيق ، هتحمس المستخدمين انهم يحملوا التطبيق بسرعه قبل انتهاء العرض . 

تاسعا اتواصل مع اصحاب المواقع التقنيه : 

لو تعرف حد عنده موقع تقني فانت حاول تعرض عليك فكره تطبيقك ، وتخليه ينشرها هو كده مش خسران حاجه اولا هو لقي حاجه يكتب عنها ثانيا ترويج لتطبيقك انت . 

اخر حاجه : 

حاول تقلل من الاعلانات في التطبيق ، ياريت تعمل اكونت علي بلاي ستور متكتفيش بال apk كده وتنشره ، حاول تشوف ماركتير يسوقلك التطبيق بتاعك في Adwords مثلا وتحسب التطبيق او بالاخص انك تحسب التحميله الواحده ودي بنسميها (CPI) .

Amr Hossam

ليست هناك تعليقات:

إرسال تعليق