الدليل الشامل والكامل لتعلم الانجليزي + كورسات مجانية | عمرو حسام

الدليل الشامل والكامل لتعلم الانجليزي + كورسات مجانية



بوست كامل عن ازاي تبدأ في انك تتعلم انجليزي مجانا ان شاء الله

معروف ان الانجليزي هي لغه العصر، عشان معظم الكورسات او المواقع العالميه او المدن المشهوره لغتهم انجليزي فانك تتعلم انجليزي هيفتحلك ابواب لحاجات كتير اوي !

لو انت مستواك قليل او متوسط وانت في بيتك هتتعلم انجليزي ببلاش وحط تحت الكلمه دي مليون خط :"D

انا هقسم البوست لتلت مستويات ان شاء الله : مبتدأ : متوسط : محترف

ناس كتيره لما تيجي تتعلم انجليزي بيشتكوا من المحتوي القليل في الوطن العربي او الصعوبه انك تلاقي محتوي كويس تتابع معاه او تشوفه ! ، خد بق عندك بعض الكورسات العربيه في المستوي المبتدأ !

اول كورس من قناه اكاديميه الدارين للتعلم عن بعد ، هما عشر فيديوهات كل فيديو مدته ساعه للمستوي المبتدأ ، هتوصل لمستوي كويس اوي لو انت مبتدأ لو شوفت العشر فيديوهات دول ، والكورس مجاني ومتوفر علي اليوتيوب

رابط الكورس : https://goo.gl/MGVL2J

موقع English For Arab ، موقع مهم اوي وغني بمحتوي عربي كتير بحيث بيقسم الانجليزي للمستوي " المبتدأ " ، بحيث بيعمل اقسام للكلمات الافعال و الراديو الانجليزي ، والعاب تعليميه وكمان قسم مخصص لاطفال وكتير من الاقسام ، والموقع بيقدم محتوي صوتي ونصي للناس رابط الموقع : http://www.english4arab.net

موقع دولينجو الموقع ده في كل الحوار للمبتدئين بيقدم محتوي كويس اوي بطريقه عرض ممتازه ، والموقع فيه فكره الدليل بحيث انك تقدر تتعلم اي لغه خطوه خطوه ، وبيقدم الموقع اكتر من وسيله تعليم زي : القراءه ، الاستماع ، الكتابة ، والكتير من الوسائل البصرية اللي بتحفزك !

رابط الموقع : https://ar.duolingo.com

تمام كده خلصنا من المستوي المبتدأ ، نيجي للمستوي المتوسط !

المستوي المتوسط :

بيعتبر المستوي ده مستوي الشهير ، لان معظم اللي عايزيين يتعلموا بيكونوا عندهم خلفيه كويسه عن اللغه سواء من الجامعه او من المدرسه او من خلال الكورسات الاونلاين زي ماكتبت في اول البوست ، المرحله دي مهمه جدا لان بعدها ممكن يتقال عليك محترف لغه ، وانا مجمعلك كورسات مجانيه عن المستوي المتوسط !

اولا كورس الجامعه الامريكيه في اسطنبول :

من اشهر الكورسات في تعلم الانجليزي بالنسبه للمرحله المتوسطه ، اللي بتقدمه الجامعه الامريكيه ، الكورس متقسم لتلت مستويات مستوي مبتدأ ، ومتوسط ، ومحترف ، الكورس بيتكون من 80 فيديو متوسط مده كل فيديو 1 ساعه واحده ، لو نظمت وقتك كويس اوي فانت ممكن تخلص الكورس ده في شهر واحد او شهرين بالكتير ، لو انت لسه عندك الشغف يعني اللي يخليك تتعلم عشانه !

رابط الكورس : https://goo.gl/kuqC94

كورس محادثه من الحج المستر " دانكن "

مستر دانكن مقدم 88 فيديو متوسط مده كل واحد فيهم 8 دقايق ، وصل معدل الفيديوهات دي ل 55 مليون مشاهده علي اليوتيوب والفيديوهات دي مشهوره اوي ، لانه بيقدمه بطريقه فكاهيه وكويسه اوي <3

رابط الكورس من علي اليوتيوب : https://goo.gl/Lnf21c

موقع BBC المشهور ، الموقع بيقدم كتير من المقالات العربيه وبعد كده باللغه الاجنبيه ، وتقدر تسمعهم ، الطريقه دي فعاله جدا في التعلم ، لانك هتسمع وهتشوف وتقرأ ، فا هتنميلك مهاراتك


رابط الموقع : https://goo.gl/iH2HDB


كده يعتبر خلصنا المستوي المتوسط والمبتدأ نيجي بق للشغل كلوا :"D

المستوي المحترف :

لو نهيت كل الكورسات الخاصه بالمستوي المبتدأ والمستوي المتوسط ، فانت محتاج تتعمق اكتر في اللغه ، خد بق الكورسات دي بتستهدف المحترفين بشكل خاص ، وطبعا الناس كلها بشكل عام !

كورس التحدث والكتابع من موقع أليسون : https://goo.gl/JWjoZL

كورس مهارات اجتماعيه في اللغه : https://goo.gl/PxAPJu

كورس تدريس لغه انجليزيه " لغه تانيه " : https://goo.gl/B1PbG4


تمام كده خلصنا التلت مستويات ، خد بق عندك شويه نصايح مني كده ، عشان تتعلم اللغه بشكل اسرع ، اقرأ اي حاجه عينك بتقع عليها زي مجله ، بوست ، رسايل علي الميل عندك ، عشان تعزز وتزود الكلمات في عقلك .

اعمل زي كراسه كده تجمع فيها الكلمات الجديده ، في حياتنا اليوميه ان علطول بتسمع كلام جديد ، فانت هتجيب كراسه كده وتكتب فيها كل الكلام الجديده اللي بتسمعه وترجمته عشان الكلام يثبت في دماغك .

اتكلم مع الناس بالانجلش زي مثلا حاول تعمل جروب انت وصحابك ، وكل واحد لو يعرف كلمه جديده ، ينزلها وتتعلموا مع بعض عشان التحفيز وتتكلموا مع بعض بالانجليزي .

مش هوصيك بق انك تشترك في مواقع او قنوات يوتيوب بتقدم محتوي اجنبي ، عشان تسمع وتشوف وبكده اي كلمه هتثبت في دماغك ومش هوصيكم طبعا علي الافلام امعلمين ^^

لو البوست عجبك تقدر تشيره مع صحابك ، بس ياريت يجماعه محدش يسرقه عشان انا تعبت في وتعبت اني اجمع المصادر لذلك لو عايز تنشره تقدر تمنشني فيه وشكرا <3


وشيروا وفيديو غيركم <3

Amr Hossam

ليست هناك تعليقات:

إرسال تعليق